Aveu de Colibeaux de Criquebeuf (23 novembre 1403)
Archives Nationales (Paris), cote P /289/4. Ce document, en très mauvais état, est en partie illisible. Les points de suspension indiquent les parties de texte qui n’ont pu être lues.
« A tous ceuls qui ces lettres verront, Guillaume, seigneur de Tresmouville, chevalier, conseiller chambellan du roy, messire et garde de la prévosté de Paris, salut. »
« Savoir faisons que par devant nous vus en jugement Colibeaux de Cricquebeuf, escuier, seigneur du Parc… lequel advoua et advoue par ces présentes a tenu à une seule foy et hommage du roy mondit seigneur ce que cy aprés s’ensuit. »
« C’est assavoir un quart de fief de haubert tenu franchement et noblement à court et usaige nommé le fief du Parc (Part ?) situé et assis au bailliage de Costentin en la viconté de Valongnes en la chastellenie du plessys ès mettes de la sergenterye de Beaumont, dont le chief est assis en la paroisse de Saint Lô de Ourville et s’estend tant en icelle paroisse comme ès paroisse de Goué, de Port Bail, de Saint George en la Rivière, de Saint Martin du Mesnil, de Saint Pierre d’Alonne, de Sainte Susanne en Bautois et ès mettes d’environ. »
« Et en sont les revenues teles c’est assavoir le manoir et mote, la place du coulombier et la place d’un moulin à eaue nommé le moulin de Rouynel sis en la paroisse d’Ourville, lequel moulin est à présent en ruine et de nulle valeur, et contient le … dudit manoir tant en (prairies ?) que en terres labourables quarant acres de terre ou environ. Item en prés, en maresqs… douze acres ou environ. Item trois places (de moulins)… après le moulin de Castellet qui meule à présent en le ressort du moulin à eaue… et les deux autres appellé le moulin des Faulx et le moulin de la Mote, lesquels sont à présent en ruine et de nulle valeur. »
« Et doivent les hommes dudit fief du Parc et partie des hommes du… dit, qui est à présent monseigneur Guillebert de Combray, chevalier, certains services audit moulin à eaue, c’est assavoir curer les bieux et relever chaussée et escluses et tanchier et trouver le glui et faire couvrir la moison dudit moulin du roy… cessent et doivent à quarrier le bois et les meules qui viennent audit manoir et en doivent… friches, terres et motes et autres plusieurs services. »
« Item Jehan Flesques, escuier, en tient par foy et hommage un fief en vavassorie le fief de Lanquentot tenu franchement et noblement et court et usaige en basse justice et en siet le manoir en la paroisse de Port Bail et … ou environ ès paroisses de Saint georges en la Rivière et de Saint Martin du Mesnil et [doit ledit] escuier… trente sols tournois au jour de Saint Hilayre chacun an de rente au matin rendus à porte en l’ostel dudit escuier du Parc sous peine de dix huit sols d’amende. »
« Et si en doit reliefs, traizièmes, aides coustumières audit escuier selon la coustume de Normandie quant le cas s’y offre. Et contient… manoir… et les domaines vint huit acres de terre ou environ, Et les deux places de moulin à eaue et la … hommes en, tiennent … en … huit acres de terres ou environ. Item Thomas de Campion, escuier, en tient une… en tènement nommé le fief de Fauchoy franchement et noblement et court et usaige, et s’estend ès paroisses de …, de Port-Bail, de Saint Georges en la Rivière, et en doit audit escuier foy et hommage, reliefs, traizièmes et aides coustumières quant le cas s’offre. »
« Item dix sept vavassories qui doivent vint boisseaulx de froment ou environ par chacun an au terme Saint Michiel à la mesure de [Barneville]. Item doivent en … six… ou environ … à Saint Ylaire au moins uns esperons dorés et deux paires d’esperons de fer et de cuir et une livre de froment audit terme de Saint Michiel. Item trente gélines au terme de Noël et six chappons ou environ. Item quatre vint boisseaulx de froment à la mesure de Barneville audit terme Saint Michiel. Item audit fief est et appartent le quart des pasturages et des landes de … dont chacun… de un boissel d’avoine à la mesure dudit lieu de Barneville. Item pour les autres osuches mettes appartenant audit moulin de Rouynel. Sur les hommes du seigneur dudit fief, dudit le Prevost dudit escuier… sur les fiefs dudit… le manoir et la closture dudit escuier. Item audit escuier appartient à cause de son dit fief du Parc la moitié du varesq qui vient et… la fosse du Nez et… généralement tous les hommes et tenements doivent audit escuier servier de prevosté, reliefs, treizièmes et aides coustumières à la coustume de Normandie quant le cas s’offre. »
« Et si doivent apporter toutes les… d’icelles… du Parc chacun an… tournois dessus diz. Et si doivent les vavassories curer la rivière, la grange tant comme les préz et les maresq dudit escuier s’estendent. Et en … ledit escuier devoit foy et hommage liges au roy, nostredit seigneur et dix journées de service d’ost du… en temps de guerre au chastel du Plesseys et un quartier d’avoine de bernage à la mesure de Barneville par chacun an de rente qui se paie par la main des hommes dudit escuier en la chastellenie du plesseys et… se… »
« Item quatre deniers tournois de rente par chacun an pour les esperons paiez au terme de Pasques au comptoir du roy messire à Valongnes. Item lesdits Jehan Flesques et Thomas de Campiont escuiers doivent audit escuier leur pourpart du service d’ost dessus dit à cause des tenemens dessus declarez. »
« Et se, plus y adoua et adoue ledit escuier à tenu à une seule foy et hommages liges du roy monditseigneur. »
« En tesmoing de ce, nous avons mis le scel de la prévosté de paris à ce présent adveu qui fu passé et accordé double par ledit escuier l’an de grâce mil quatre cent et trois le samedi XXIIIe jour de novembre. »
